Finalizado o encontro ante o CF Rayo Majadahonda en ABANCA-RIAZOR, o Deportivo adestrarase de novo o martes 5 de abril a partir das 10:30 en Abegondo. Así pois, mañá domingo e o luns haberá descanso para os futbolistas branquiazuis.
"O equipo necesita desconectar desta serie negativa que levabamos, do partido de Badaxoz, do de Vigo. Emocionalmente levamos unhas semanas moi intensas", reflexionou na sala de prensa o capitán Álex Bergantiños.
A próxima cita ligueira para o equipo que prepara Borja Jiménez será o domingo 10 de abril ás 12:00 en Lezama ante o Athletic Club B, en partido correspondente á 31ª xornada no grupo 1º de Primeira RFEF.
