O RC Deportivo e a empresa Desarrolla patrocinan unha gran festa infantil que se celebrará o 31 de decembro entre as 11:00 e as 16:00 en ExpoCoruña, enmarcada dentro do evento de entretemento familiar que se está celebrando estes días na cidade, Mundo Juego.
O acceso será gratuíto para todos os asistentes, unha ocasión fantástica para visitar os 10.000 m2 de superficie dedicados a 36 espazos de xogo diferentes dirixidos a todas as idades. Desde consolas e computadores até actividades deportivas, xogos tradicionais, animación infantil ou construción con bloques.
Durante a festa sortearanse máis de 3.000 agasallos entre os asistentes e celebrarase un gran baile cos personaxes favoritos de Mundo Juego. O broche final será a repartición de doce gominolas para que os pequenos da casa poidan darlle a benvida ao 2013 a modo de badaladas.
Mundo Juego, un nuvo evento de entretemento
Mundo Juego abriu as súas portas o pasado xoves 22 de decembro en Expocoruña e quedan por diante 8 intensos días, até o 8 de xaneiro, nos que todos os membros da familia, desde os máis pequenos até calquera idade poden gozar de 10.000 m2 dedicados ao entretemento.
Coleccións de grandes marcas, actividades para os máis pequeniños, con parques de bólas, xogos de construción e circuítos deportivos, até xogos de estratexia, consolas ou simuladores están a convivir cun intenso programa de animación no que non faltou a visita de Papá Noel e na que recibirán aos mismísimos Reis Meigos.
Están presentes asinas líderes no mercado de xoguetes como Playmobil, Funko, Carrera, Superthings. T Racers, Os Futbolísimos ou El Pollo Pepe. Tamén hai circuítos de construción, atletismo ou fútbol, grazas á participación de Desarrolla e o RC Deportivo, entre outros, colaboradores que apadriñan esta gran festa infantil de fin de ano para que poidan gozala de maneira gratuíta todos os nenos da cidade.
