Pablo Valcarce e Diego Villares pasáronse tamén pola sala de prensa do Estadio Reina Sofía de Salamanca.
O atacante berciano, autor do gol do empate, apunta que viviu unha semana, co nacemento ademais da súa segunda filla, "cunha montaña rusa de emocións e grazas a deus pódoa terminar desta maneira. Quedo co traballo do equipo e con poder sacar un punto neste campo tan difícil".
Explica que no gol do empate do Dépor, "Paris e eu xogamos xuntos. El coñéceme. Sabe que nesas accións adoito quedarme atrás da media lúa. Viume ben e tiven a fortuna de enganchala ben e ir cara adentro".
Resalta ademais "a tolemia de #ANOSAFORZA, da xente, que se despraza, que nos axuda polo menos nos dous partidos que levamos fóra de ABANCA-RIAZOR. É de agradecer a enerxía que nos achegan e que nos van a levar a conseguir o obxectivo".
Pola súa banda, Diego Villares sostén que "xa sabiamos que partido iámonos a atopar. Xa o falamos durante a semana. Vés aquí a un campo difícil como é este, cun rival que loita todos os balóns, os disputa. Sabiamos o partido que nos iamos a atopar e o equipo soubo competilo ben".
Resalta que "ao marcar o seu gol metéronse un pouco máis atrás. Por mor da súa expulsión custounos máis porque Unionistas meteuse máis atrás, xuntouse na súa frontal da área. Estivemos un pouco precipitados e tampouco atopamos espazos con claridade".
Capitán onte do Dépor, o centrocampista galego confesa que "é un orgullo levar o brazalete deste Club".