Oriana Altuve e Michi Apóstol teñen cita esta madrugada con Venezuela nun amigable ante Tailandia
As xogadoras do Deportivo ABANCA Oriana Altuve e Michi Apóstol están concentradas coa selección venezolana de fútbol para disputar dous partidos amigables neste parón ligueiro.
Ambos os choques servirán de preparación para a Copa América que se celebrará en Ecuador do 12 de xullo ao 2 de agosto.
O primeiro deses partidos será esta próxima madrugada en España (00:00, hora galega, deste xoves) ante Tailandia no Centro de Alto Rendemento da Federación Mexicana en Ciudad de México.
O calendario de partidos de Oriana Altuve e Michi Apóstol é o seguinte:
Xoves 24 de outubro 00:00 (hora galega): VENEZUELA - TAILANDIA, no Centro de Alto Rendemento da Federación Mexicana en Ciudad de México
Sábado 26 de outubro 23:45 (hora galega): MÉXICO - VENEZUELA, no Estadio Agustín Coruco Díaz de Zacatepec
O martes 29 de outubro Oriana Altuve e Michi Apóstol regresarán á Coruña.