Os abonados e abonadas ao Dépor ABANCA xa poden retirar a súa entrada (obrigatoria) para o partido ante a Real Sociedad, correspondente á 9ª xornada da Liga F, do domingo 10 de novembro ás 12:00 en ABANCA-RIAZOR.
Será unicamente online en bancada.es e con preferencia até o domingo 27 de outubro ás 23:59.
En primeiro momento estarán dispoñibles entradas de Tribuna Inferior e iranse abrindo bancadas a medida que se vaian ocupando.
As entradas de público sairán á venda unicamente online en bancada.es a partir do luns 28 de outubro ás 00:01 ao prezo único de 10 euros.
Os abonados e abonadas que non adquirisen o suplemento do Dépor ABANCA (15 euros) poderán acudir á Oficina de Atención ao Deportivismo (OAD) para realizalo.
As persoas que non sexan abonadas ao RC Deportivo poden darse de alta na OAD como socio/a amigo/a ao prezo de 50 euros e abonar o citado suplemento de 15 euros que lles permitirá asistir a todos os partidos en casa do Dépor ABANCA.
O horario da OAD é de luns a venres de 10:00 a 13:30 e de 16:30 a 19:00 horas.