Esta fin de semana entran en xogo os dous equipos infantís orzanistas, que ademais se enfrontan entre si o sábado 28 na Torre na 1ª xornada da Liga Galega.
Ao Orzán SD Cadete tócalle descansar, polo que o seu primeiro partido na Liga Galega será a primeira fin de semana do mes de outubro.
O domingo o protagonismo será para o Deportivo ABANCA B, que recibe en Abegondo (11:30) ao CD Lugo.
As branquiazuis marchan na 3ª posición da Tercera Federación con 7 puntos, a 2 dos líderes, RC Celta e Olímpico de León.
No equipo deportivista estes días Paula Redruello 'Redru', ademais de Elena Vázquez, están concentradas coa selección española sub-17 con motivo de dous amigables ante Portugal e México en Alfaz del Pi.
O encontro do Orzán SD Sub-21 en Primera Autonómica ante o Domaio FC (16:00 na Torre) e o do Orzán SD Xuvenil en Segunda Autonómica en Maniños (16:30) completan a xornada.
O calendario de partidos é o seguinte:
Tercera Federación
4ª xornada: DEPORTIVO ABANCA B - CD LUGO, o domingo 29 de setembro ás 11:30 en Abegondo
Clasificación: 1. RC Celta e Olímpico de León, 9 puntos; 3. Deportivo ABANCA B, 7 puntos; 4. Sárdoma CF, CD Bovedana, PM Friol e Victoria CF, 6 puntos... 10. CD Lugo, 4 puntos...
Primeira Autonómica
3ª xornada: ORZÁN SD SUB-21 - DOMAIO FC, o domingo 29 de setembro ás 16:00 na Torre (campo 2)
Segunda Autonómica
3ª xornada: CULTURAL MANIÑOS - ORZÁN SD XUVENIL, o domingo 29 de setembro ás 16:30 no campo de O Pote (Maniños)
Liga Galega infantil, subgrupo 1º
1ª xornada: ORZÁN SD INFANTIL B - ORZÁN SD INFANTIL A, o sábado 28 de setembro ás 10:15 na Torre (campo 1)
