O Deportivo comezou a semana de traballo previa á visita á UD Logroñés deste domingo 7 de novembro (17.00 horas, Footters) na sala de vídeo, como é habitual.
Borja Jiménez desvelou o pasado venres en rolda de prensa que "construír un equipo é moi difícil, nin aínda gañando todas as xornadas en outubro tes un equipo feito, nin o vas a conseguir en novembro. Para min os equipos tárdanse tempo en facer e falo dunha bagaxe de cinco, seis, sete meses para que ti vexas a un equipo realmente como se comporta. Isto é unha opinión moi persoal e no fútbol non hai ese tempo. Sabendo que para que vexamos un equipo completo que digas 'este equipo xa sabe perfectamente ao que xoga', aínda que nós no noso día a día insistamos o mesmo e se ti preguntas a un xogador vai a dicir perfectamente o que queremos, todo necesita un tempo para que eles coñézanse porque hai moito xogador novo. Pero non como unha escusa para dicir 'non gañamos todos os partidos porque necesitamos tempo'. Nin moitísimo menos porque no fútbol non hai tempo. Pero o facer un equipo, o construír un equipo é un proceso larguísimo e non será en novembro nin vai ser en decembro. Sempre vos falo de marzo e de por aí porque para min son as datas onde realmente se vai a xogar todo e onde vas ver un equipo feito".
Nesta liña, engade que "son bastante crítico co meu equipo, sabendo onde estamos porque me gusta esa mellora diaria, porque son moi crítico comigo mesmo en cada acción ou en cada decisión que tomamos. O equipo a nivel defensivo está a mostrar bo nivel, pero dese bo nivel de non encaixar non significa que catro acciones en noventa minutos defendíchelas mal de cousas que xa se traballaron. Entón os luns (hoxe martes porque onte foi día de descanso para o cadro), collemos esas accións e incidímoslles aos xogadores. Se cadra é unha acción que non ten ningunha influencia no partido, pero para nós está mal defendida porque entendemos que se defende doutra forma. Os luns collemos e ensinámoslles, insistímoslles. Por iso creo que o proceso é tan longo porque ao final son moitas cousas", conclúe o técnico deportivista.
Xa sobre o céspede, após un quecemento, o adestrador branquiazul dispuxo unha tarefa de posesión en espazo reducido, un exercicio de finalizacións en tres grupos e, para concluír, un partido a tres cuartas partes do campo 2.
Pablo Trigueros comezou a súa progresiva incorporación e esta mañá xa fixo unha parte da sesión co resto dos seus compañeiros. Así pois, adestrouse unicamente á marxe do grupo Valín, que acabou o último adestramento con molestias nun aductor.
Con Noel e Yeremay en dinámica do Xuvenil A para o partido de mañá mércores en ABANCA-RIAZOR (20:00 horas) correspondente á ida da segunda eliminatoria da Ruta de Campións Nacionais da UEFA Youth League, os representantes de #ANOSACANTEIRA hoxe co primeiro equipo foron Trilli, Alberto e Brais Val.
Mañá mércores, o Dépor adestrarase de novo en Abegondo a partir das 10:30 horas, con almorzo previo a partir das 9:00 no comedor da instalación deportivista.
