Pablo Trigueros entra na recta final da súa recuperación. O defensor deportivista comezou esta mañá a realizar tarefas co grupo no regreso ao traballo do Dépor tralo partido ante o Real Unión. A continuación, o central toledano continuou a mañá co readaptador, Álex Canosa.
A xornada de hoxe luns foi a habitual despois de cada partido. Os titulares onte en ABANCA-RIAZOR realizaron tarefas de recuperación: carreira continua, estiramentos e paso pola padiola dos fisioterapeutas.
Para os demais, incluídos os canteiráns Alberto, Yeremay e Iván Guerrero, a sesión foi de alta intensidade, cun quecemento, rondos, unha tarefa de finalizacións e fútbol en espazo reducido.
Víctor e Diego Villares continúan con adestramento personalizado, á marxe do resto dos seus compañeiros.
O primeiro equipo descansa mañá martes e regresa aos adestramentos o mércores 9 de febreiro ás 11:00 en Abegondo.
A próxima cita ligueira, correspondente á 23ª xornada, será o domingo 13 de febreiro en Las Gaunas (12:00 horas, Footters) ante a SD Logroñés.
