Francisca Alejandra Lara Lara (San Fernando, Chile, 29 de xullo de 1990) coñecida futbolísticamente como Pancha Lara, achegará experiencia esta temporada 2024-25 no lateral zurdo do Dépor ABANCA.
Procede do Vilarreal CF, club no que militou desde a temporada 2021-22.
Formada nos clubs chilenos dos Ferroviarios, Coquimbo Unido, Cobreloa e Colo Colo, Pancha Lara chega a España da man do Sporting Huelva (temporada 2017-18). A campaña seguinte (2018-19) ficha polo Sevilla FC, conxunto no que xoga dúas temporadas ata que na campaña 2020-21 recala no Le Havre francés, paso previo á súa chegada ao Vilarreal CF.
É internacional chilena e actualmente é a máxima goleadora da súa selección con 21 goles en 74 partidos.
Pancha Lara convértese no cuarto reforzo do Dépor ABANCA após a chegada de Oriana Altuve, Vera Martínez e Marina Artero; ademais das renovacións xa confirmadas de Carlota, Lucía Martínez, ADT, Henar, Eva Dios, Millene Cabral, Raquel García, Yohana, Samara e Cris Martínez.
