Desde o martes 24 e ata o sábado 28 de xaneiro ás 23.59 horas, todos os socios do Real Club Deportivo que o desexen poderán mostrar o seu desexo de acudir ao Athletic -Dépor (San Mamés, sábado 11 de febreiro, 18:30 h.) pre-reservando a súa entrada para o choque en entradas.rcdeportivo.es
O RC Deportivo poñerá a disposición dos seus afeccionados un total de 575 entradas a un prezo unitario de 45 e 50 euros, sendo a distribución: 315 para socios mediante o sistema de pre-reserva de entradas, 230 a disposición das peñas deportivistas e xestionadas directamente pola Federación de Peñas do Deportivo e 30 para compromisos institucionais do Club.
Como en anteriores partidos de alta demanda, ponse en funcionamento o sistema de pre-reserva de entradas seguindo estes criterios:
O martes 24 activarase a plataforma entradas.rcdeportivo.es, que estará operativa ata o sábado 28 ás 23.59 horas.
Só poderán pre-reservar entradas os socios do Real Club Deportivo. O sistema permitirá facer a pre-reserva de 1 ou 2 localidades para o partido. O socio deberá introducir o seu nome, apelidos, número de Abonado e IDE de socio. Ao facer click en "Pre-reservar" recibirá un correo que deberá validar obrigatoriamente para completar o proceso (advertencia: nalgúns casos este correo chega á caixa de correos de spam do socio, polo que se recomenda comprobar a recepción, xa que a validación é obrigatoria para completar a pre-reserva).
Lémbrase aos socios do RC Deportivo que as entradas son nominativas, por tanto o socio que introduza o seu IDE de socio, nome e apelido e sexa seleccionado na pre-reserva, xa sexa seleccionando 1 entrada ou se selecciona 2, terá que facer uso directo da súa entrada, non podendo cedela a un terceiro.
A todos aqueles socios que non teñan acceso a internet ofréceselles a posibilidade de facer persoalmente a pre-reserva na propia Oficina de Atención ao Deportivista do Estadio de Riazor. Os empregados do Real Club Deportivo serán os encargados de introducir os seus datos no sistema para que este xere o número de pre-reserva correspondente. Esta opción estará dispoñible desde o martes 24 ata o venres 27 de xaneiro de 10:00 a 13:30 e de 16:30 a 19:00 horas.
Unha vez pechado o prazo para este proceso, se o número de pre-reservas realizadas polos socios do Deportivo é inferior ao número de entradas dispoñibles, a adxudicación e reserva de entradas será directa. No caso de que o número de pre-reservas sexa superior a 575, todas as pre-reservas validadas entrarán nun sorteo que o propio sistema realizará de forma automática.
Nese caso, o domingo 29 de xaneiro farase pública a listaxe dos adxudicatarios finais das entradas. Os adxudicatarios das entradas poderán retiralas os días 30, 31 de xaneiro e 1 de febreiro na Oficina de Atención ao Deportivista en horario de 10.00-13.30 e de 16.30-19.00, sendo imprescindible mostrar o DNI físico ou fotocopia dos destinatarios finais das entradas.
Pechado o prazo de retirada, as entradas sobrantes daqueles adxudicatarios que non as retirasen poñeranse a disposición de todos os socios o xoves 2 de febreiro en venda libre e directa (neste caso tamén é imprescindible a presentación do DNI dos destinatarios finais das entradas, podendo retirar un máximo de dúas entradas por socio e podendo presentar cada socio un único carné en portelo).
