O Dépor comezou esta mañá no campo 2 de Abegondo a preparar a visita do Burgos CF a ABANCA-RIAZOR prevista para este sábado 21 de setembro ás 18:30 (#Vamos).
Imanol Idiakez contou no céspede con todo o seu cadro fóra de Yeremay, con traballo personalizado no ximnasio e cos fisioterapeutas.
Mfulu e Escudero fixeron a primeira parte co grupo e seguiron logo cos readaptadores Alejandro Canosa e Nando Rodríguez.
O corpo técnico deportivista dispuxo após unha activación con rondos, un exercicio de posición con porterías pequenas e fútbol reducido, de alta intensidade, para concluír.
Mañá mércores, Os Nosos volven á Cidade Deportiva cun novo adestramento a partir das 11:00 horas.
