Hoxe domingo 26 destacou en ANOSACANTEIRA o partido do Fabril (na foto da noticia) en Abegondo ante o CD Cayón.
O filial recuperou a Kevin Sánchez, que logrou en Georgia coa selección española sub-19 o pase á Rolda Elite de clasificación para o Campionato de Europa.
Óscar Gilsanz puido contar tamén con Jairo e Marc, que se adestraron toda a semana co primeiro equipo ás ordes de Imanol Idiakez.
O Fabril venceu (2-0) con toda xustiza, grazas aos goles de Iano Simão e Kevin, nun partido controlado de principio a fin.
Tamén xogou en casa o Orzán SD B sub-16 Femenino, que en Segunda Autonómica non puido (1-3) co UD Carral.
O resto de equipos competiron como visitantes na xornada dominical.
O Xuvenil A venceu na Cheda (0-2) ao CD Lugo e, co resto de resultados da xornada, queda a 1 punto do liderado da División de Honra.
Pechou a xornada o partido de Primera Autonómica do Orzán SD Xuvenil Femenino en Noia (1-3) para seguir no máis alto da Primera Autonómica.
Neste equipo varias xogadoras están convocadas coa selección galega sub-17 para un partido amigable o vindeiro martes 28 ás 18:00 no campo da Lavandeira (Culleredo) ante o Deportivo ABANCA B: Emma Gandoy, Laura Santos e Dunia Dahmouni.
Onte sábado 25 de novembro disputáronse un total de 13 partidos en #ANOSACANTEIRA.
De todos eles destacou a visita do Deportivo ABANCA B ao Olímpico de León no Estadio Olímpico de León.
As xogadoras de Óscar Orro volvían á competición en Tercera Federación FutFem após o parón da pasada fin de semana.
As branquiazuis rescataron un punto (3-3) con 2 goles de Noela no desconto. A atacante deportivista adiantara ao seu equipo aos 2 minutos de partido pero as leonesas lograron darlle a volta.
Catro futbolistas están convocadas coa selección galega sub-17 para o citado partido amigable do próximo martes 28 ante o Deportivo ABANCA B: Elena Vázquez, Lucía Rivas, Sara Cercido e Noelia Mayo.
Ademais dos dous benxamíns, só disputouse onte sábado un partido en Abegondo. O Cadete, líder, venceu (6-0) ao CD Areosa na División de Honra.
Como local, neste caso en San Pedro de Visma, o Orzán SD Cadete Femenino, ao mando do subgrupo 1º da Liga Galega, recibía ao PM Friol pero as lucenses non se presentaron na instalación.
Será o Comité de Competición o que ditamine agora o que sucederá a continuación: nova data ou partido gañado para as orzanistas.
Tres futbolistas do Orzán SD Cadete Femenino están convocadas coa selección galega sub-15 para un amigable o mércores 29 de novembro ás 18:30 no campo Manuel Regueira da Estrada ante o Escola Estrada FB: Antía Veiga, Claudia Sande e Daniela Macedo.
Fóra de casa competiron o resto dos equipos: o Xuvenil B en Ferrol ante o Racing (1-0), o San Tirso SD Cadete en Pontevedra co Salgueiriños FC (3-2), o Infantil en Bertamiráns (0-3), o San Tirso SD Infantil en Ourense co Pabellón CF (2-2), o Orzán SD Infantil A Femenino en Arzúa (0-9) e o Orzán SD Infantil B Femenino en Antas de Ulla (4-1).
O calendario abriuno o pasado martes na Cidade Deportiva o partido entre o Victoria e o Fabril FC Alevín (0-3) correspondente á 3ª xornada no subgrupo 1º de Primera A Coruña de fútbol 8 que foi aprazado a principios de mes debido ao temporal.
Así mesmo, o venres 24 en Abegondo xogouse outro encontro, esta vez correspondente ao subgrupo 1º da Liga Galega infantil feminina. O Orzán SD Infantil A Femenino venceu (4-1) ao Orzán SD Infantil B Femenino en partido que foi aprazado a finais do mes de outubro.
Os resultados foron os seguintes:
Categoría feminina
Tercera Federación FutFem, 11ª xornada: OLÍMPICO DE LEÓN 3 - DEPORTIVO ABANCA B 3 (Noela -3-)
Primera Autonómica, 11ª xornada: CF NOIA 1 - ORZÁN SD XUVENIL FEMENINO 3 (Noa Gómez, Mica Baratelli e Dunia Dahmouni)
Segunda Autonómica, 11ª xornada: ORZÁN SD B SUB-16 FEMENINO 1 (Sara Montes) - UD CARRAL 3
Liga Galega, subgrupo 1º, 11ª xornada: ORZÁN SD CADETE FEMENINO - PM FRIOL, suspendido
Liga Galega, subgrupo 1º, 6ª xornada: ORZÁN SD INFANTIL A FEMENINO 4 (Naiara Fontenla, Sasha Decor, Marta Moreno e Bianca Ventureira) - ORZÁN SD INFANTIL B FEMENINO 1 (Ariana Barros)
Liga Galega, subgrupo 1º, 11ª xornada: ARZÚA FCF 0 - ORZÁN SD INFANTIL A FEMENINO 9 (Marta Moreno -3-, Lola Freire -2-, Bianca Ventureira -3- e Carolina Lago)
Liga Galega, subgrupo 1º, 11ª xornada: ANTAS SD 4 - ORZÁN SD INFANTIL B FEMENINO 1 (Sofía Asensio)
Segunda Federación
13ª xornada: FABRIL 2 (Iano Simão e Kevin) - CD CAYÓN 0
Categoría xuvenil
División de Honra, 12ª xornada: CD LUGO 0 - XUVENIL A 2 (Ayman -2-)
Liga Nacional 13ª xornada: RACING DE FERROL 1 - XUVENIL B 0
Categoría cadete
División de Honra, 11ª xornada: CADETE 6 (Janusz -3-, Miguel de Labra, Diego e Xabi Campos) - CD AREOSA 0
División de Honra, 11ª xornada: SALGUEIRIÑOS FC 3 - SAN TIRSO SD CADETE 2 (Gael e Guille)
Categoría infantil
División de Honra, 10ª xornada: BERTAMIRÁNS FC 0 - INFANTIL 3 (Sergio Cortizo e Raúl -2-)
División de Honra, 10ª xornada: PABELLÓN OURENSE CF 2 - SAN TIRSO SD INFANTIL 2 (Mario González e Antón Vilariño)
Categoría alevín
Primera A Coruña de fútbol 8, subgrupo 1º, 6ª xornada: ALEVÍN A 12 (Nacho Villanueva -3-, David Gómez -2-, Rui Fernández, Hugo Macedo -2-, Martín López, Brais Martínez, Iván Gil y Hugo Luaces) - VICTORIA CF 1
Primera A Coruña de fútbol 8, subgrupo 1º, 3ª xornada (martes 21): VICTORIA CF 0 - FABRIL FC ALEVÍN 3 (Thiago López, Nico Rodríguez-Ponce e Miguel Candal)
Primera A Coruña de fútbol 8, subgrupo 1º, 6ª xornada: FABRIL FC ALEVÍN 2 (Hugo Quintela e Thiago López) - ATLÉTICO CORUÑA MONTAÑEROS CF 1
Categoría benxamín
Primera A Coruña de fútbol 8, subgrupo 1º, 6ª xornada: ORILLAMAR SD 0 - BENXAMÍN A 11 (Mateo Songo'o -4-, Leo Lorenzo -3-, Alberto Novo, Adrián Liñares, Yago Prieto e Diego Castelo)
Primera A Coruña de fútbol 8, subgrupo 2º, 6ª xornada: OLÍMPICO CF 0 - FABRIL FC BENXAMÍN 7 (Leo Galván -3-, Martín Coronel -2-, Nico Castro e David Santiago)