Hoxe domingo a atención en #ANOSACANTEIRA estivo centrada no Fabril, que cumpriu o pasado mércores 110 anos. Recibiu ao Ourense CF, un claro aspirante ao ascenso como o demostrou na Cidade Deportiva.
Óscar Gilsanz puido contar con Kevin Sánchez, quen xunto a David Mella estivo concentrado coa selección española sub-19 para disputar dous partidos amigables ante Noruega no Estadio Guillermo Amor de Benidorm.
O dianteiro fabrilista tivo minutos nos dous amigables. No do pasado xoves foi titular e anotou o gol do triunfo español.
Quedou fóra do partido finalmente Martín Ochoa, cunhas molestias nos isquiotibiais; pero volveu xogar Diego Gómez, superada xa unha lesión que o mantivo uns meses fose do equipo.
Caeu o filial (1-3) nun partido cun primeiro tempo para o Ourense CF e unha segunda metade fabrilista.
Ademais, o Orzán SD Xuvenil Femenino, en loita polo liderado da Primeira Autonómica, impúxose á SD O Val (3-0); o Orzán SD B sub-16 Femenino ao Cultural Maniños (1-0) na Segunda Autonómica; o Orzán SD Infantil A Femenino ao Victoria FC (4-0) na Liga Galega; e o San Tirso SD Cadete ao Pabellón Ourense CF (3-2) na División de Honra.
No Orzán SD Xuvenil Femenino foi baixa Dunia Dahmouni, concentrada coa selección de Marrocos sub-17 con motivo duns adestramentos no Complexo Mohammed VI en Rabat.
As orzanistas Antía Veiga, Claudia Sande e Daniela Macedo foron convocadas pola selección galega sub-15 para disputar a Fase de Plata do Campionato de España de Autonomías que se celebrará en Murcia do 1 ao 3 de marzo.
Así mesmo, o Cadete, líder da División de Honra, venceu en Pontevedra ao Salgueiriños CF (1-2); e o San Tirso SD Infantil empatou en Lugo co CD Lugo (2-2).
Finalmente, o Alevín arrincou con vitoria ante o Atlético Coruña Montañeros CF (5-0) a súa participación no grupo norte do Trofeo Luis Calvo Sanz de fútbol 11.
Os rivais do conxunto deportivista son, ademais do 'Monta', o UC Cee, Racing de Ferrol, San Tirso SD, Ural Español CF, CD Lugo, CD Calasanz, Galicia Caranza, SD Residencia, ED Luis Calvo Sanz e Victoria CF.
O formato de competición é de liga a unha soa volta, e o campión disputará a final do trofeo a un partido contra o campión do grupo sur.
Onte sábado houbo partido oficial para un total de 8 equipos de #ANOSACANTEIRA. De todos eles destacou a visita do Deportivo ABANCA B ao Real Oviedo Femenino B, resolta con goleada deportivista (0-6).
Ao non ter competición o primeiro equipo por parón en Primera Federación Iberdrola, Óscar Orro, técnico branquiazul, puido contar coas futbolistas que están en dinámica do Dépor ABANCA como Paula Monteagudo, Paula Novo, Lucía Rivas, Carmen Carballada e Michi Apóstol. Todas elas xogaron o xoves co Dépor ABANCA o amigable en Astorga ante o Athletic Club B de Liga F.
Así mesmo regresou a internacional Elena Vázquez após superar unha lesión muscular.
As deportivistas Sara Cercido e Lucía Rivas; coas orzanistas Noelia Mayo, Laura Santos e Emma Gandoy están convocadas coa selección galega sub-17 para competir na Fase Oro do Campionato de España por autonomías do 1 ao 3 de marzo en Murcia.
Ademais dos alevíns na Torre, xogaron e gañaron en Abegondo o Xuvenil B, líder da Liga Nacional, ao CD Boiro (9-0); e o Infantil, ao mando da División de Honra, ao Victoria CF (6-0).
Fóra de casa o Orzán SD Cadete Femenino, primeiro clasificado na Liga Galega, visitou á SD O Val (0-3); o Orzán SD Infantil B Femenino ao SCD Milagrosa (3-0); e o Xuvenil Á o Sporting de Gijón (2-5) en plena pelexa polo título da División de Honra.
A semana en #ANOSACANTEIRA abriuno o martes o Fabril FC Benxamín, xa campión do subgrupo 2º da Primera A Coruña de fútbol 8. Os fabrilistas impuxéronse ao ED Luis Calvo Sanz (2-0) en partido adiantado ao fin de semana.
E o mércores, o Infantil impúxose (4-1) ao CD Calasanz B de categoría cadete nun amigable disputado na Cidade Deportiva.
Os resultados da fin de semana foron os seguintes:
Categoría feminina
Tercera Federación FutFem, 21ª xornada: REAL OVIEDO FEMENINO B 0 - DEPORTIVO ABANCA B 6 (Lucía Rivas -2-, María Calvo, Laura Otero -2- e Carmen Carballada)
Primera Autonómica, 20ª xornada: ORZÁN SD XUVENIL FEMENINO 3 (Yanis Citoula, Iria Otero e Noe Gómez) - SD O VAL 0
Segunda Autonómica, subgrupo 1º, 20ª xornada: ORZÁN SD B SUB-16 FEMENINO 1 (Daniela Macedo) - CULTURAL MANIÑOS 0
Liga Galega cadete, subgrupo 1º, 20ª xornada: SD O VAL 0 - ORZÁN SD CADETE FEMENINO 3 (Sofia Milhem, Sofía Rodríguez e Marta Moreno)
Liga Galega infantil, subgrupo 1º, 20ª xornada: ORZÁN SD INFANTIL A FEMENINO 4 (Martina Vázquez -2-, Marta Moreno e Bianca Ventureira) - VICTORIA FC 0
Liga Galega infantil, subgrupo 1º, 20ª xornada: SCD MILAGROSA 3 - ORZÁN SD INFANTIL B FEMENINO 0
Segunda Federación
24ª xornada: FABRIL 1 (Kevin) - OURENSE CF 3
Categoría xuvenil
División de Honra, 22ª xornada: SPORTING DE GIJÓN 2 - XUVENIL A 5 (Rubén -2-, Vilela, Guerrero e Ayman)
Liga Nacional, 23ª xornada: XUVENIL B 9 (Lucas -3-, Nico, Rodrigo, Xian, Miguel de Labra -2- e Telmo) - CD BOIRO 0
Categoría cadete
División de Honra, 21ª xornada: SALGUEIRIÑOS CF 1 - CADETE 2 (Miguel de Labra e Diego)
División de Honra, 21ª xornada: SAN TIRSO SD CADETE 3 (Gael e Nico -2-) - PABELLÓN OURENSE CF 2
Categoría infantil
Amigable (mércores 21): INFANTIL 4 (Sergio Cortizo, Orellana, Raúl e Guille) - CD CALASANZ B (cadete) 1
División de Honra, 19ª xornada: INFANTIL 6 (Sergio Cortizo -3-, Raúl -2- e Miguel) - VICTORIA CF 0
División de Honra, 19ª xornada: CD LUGO 2 - SAN TIRSO SD INFANTIL 2 (Gandarela e Hugo Caridad)
Categoría alevín
Trofeo Conservas Calvo de fútbol 11, grupo norte, 1ª xornada: ALEVÍN 5 (Martín López -2-, Álvaro Gómez -2- e Nacho Villanueva) - ATLÉTICO CORUÑA MONTAÑEROS CF 0
Primera A Coruña de fútbol 8, subgrupo 1º, 16ª xornada: URAL ESPAÑOL CF 0 - ALEVÍN A 7 (Álvaro Gómez -3-, Jorge Fernández -2-, Sergio Fernández e Enzo Bértoa)
Primera A Coruña de fútbol 8, subgrupo 1º, 16ª xornada: FABRIL FC ALEVÍN 16 (Hugo Quintela -5-, Alejandro Astray -3-, Thiago López -3-, Nico Rodríguez-Ponce -2-, Miguel Candal -2- e Hugo Bujía) - CF DEPORTIVO ORZÁN 0
Categoría benxamín
Primera A Coruña de fútbol 8, subgrupo 1º, 16ª xornada: BENXAMÍN A - VICTORIA CF, suspendido
Primera A Coruña de fútbol 8, subgrupo 2º, 16ª xornada (martes 20): FABRIL FC BENXAMÍN 2 (Nico Castro e Leo Galván) - ED LUÍS CALVO SANZ 0
