Mañá domingo 26 destaca en ANOSACANTEIRA o partido do Fabril en Abegondo ante o CD Cayón, a partir das 12:00 (Youtube RC Deportivo).
O filial recupera a Kevin Sánchez, que logrou en Georgia coa selección española sub-19 o pase á Rolda Elite de clasificación para o Campionato de Europa.
O canteirán foi titular en 2 dos 3 partidos co combinado nacional e anotou 1 gol.
Óscar Gilsanz poderá contar tamén con Jairo e Marc, que se adestraron toda a semana co primeiro equipo ás ordes de Imanol Idiakez.
O Club mantén activo para o partido o protocolo de apertura con rexistro de asistentes da Cidade Deportiva.
Poden retirar entradas dispoñibles, até esgotar aforamento e sen ningún custo adicional, todos os socios e socias do RC Deportivo que o tramiten formalmente a través da web bancada.rcdeportivo.es, na que deberán introducir a súa ID de socio e os 4 últimos números do DNI. A continuación, seleccionar unha localidade libre na bancada e posteriormente completar os seus datos de contacto e a dirección de correo electrónico onde recibir a entrada.
Con eses mesmos datos doutras persoas socias, unha única pode retirar máis dunha entrada nunha soa xestión e, deste xeito, seleccionar asentos contiguos ou próximos.
Este procedemento ten dous fins: poder solicitar e recibir a entrada e, ademais, levar un control de repartición e localización na instalación.
O RC Deportivo solicita que unicamente tramiten a entrada aqueles socios e socias que vaian poder acudir aos partidos, para evitar que queden afeccionados sen poder asistir unha vez completado a repartición do aforamento nun proceso 100 % telemático.
Tamén está habilitado simultaneamente o sistema de venda de entradas para o público en xeral, a través da mesma plataforma en bancada.rcdeportivo.es e seguindo o preceptivo sistema de rexistro e pago de localidade. O prezo de cada entrada para afeccionados sen carné do RC Deportivo é de 10 euros.
Tamén xoga en casa, concretamente na Torre, o Orzán SD B sub-16 Femenino, que en Segunda Autonómica mídese ao UD Carral a partir das 16:00 horas.
O resto de equipos compiten como visitantes na xornada dominical.
O Xuvenil A enfróntase na Cheda (12:15) ao CD Lugo co obxectivo de instalarse no grupo de cabeza da División de Honra.
Pecha a xornada o partido de Primera Autonómica do Orzán SD Xuvenil Femenino en Noia (18:30).
Varias xogadoras están convocadas coa selección galega sub-17 para un partido amigable o vindeiro martes 28 ás 18:00 no campo da Lavandeira (Culleredo) ante o Deportivo ABANCA B: Emma Gandoy, Laura Santos e Dunia Dahmouni.
Hoxe sábado 25 de novembro disputáronse un total de 13 partidos en #ANOSACANTEIRA.
De todos eles destacou a visita do Deportivo ABANCA B ao Olímpico de León no Estadio Olímpico de León.
As xogadoras de Óscar Orro, a 1 punto do liderado, volvían á competición en Tercera Federación FutFem após o parón da pasada fin de semana.
As branquiazuis rescataron un punto (3-3) con 2 goles de Noela no desconto. A atacante deportivista adiantara ao seu equipo aos 2 minutos de partido pero as leonesas lograron darlle a volta.
Varias futbolistas están convocadas coa selección galega sub-17 para o citado partido amigable o vindeiro martes 28 ante o Deportivo ABANCA B: Elena Vázquez, Lucía Rivas, Sara Cercido e Noelia Mayo.
Ademais dos dous benxamíns só disputouse hoxe sábado un partido en Abegondo. O Cadete, líder, venceu (6-0) ao CD Areosa na División de Honra.
Como local, neste caso en San Pedro de Visma, o Orzán SD Cadete Femenino, ao mando do subgrupo 1º da Liga Galega, recibía ao PM Friol pero as lucenses non se presentaron na instalación.
Será o Comité de Competición o que ditamine agora o que sucederá a continuación: nova data ou partido gañado para as orzanistas.
Tres futbolistas do Orzán SD Cadete Femenino están convocadas coa selección galega sub-15 para un amigable o mércores 29 de novembro ás 18:30 no campo Manuel Regueira da Estrada ante o Escola Estrada FB: Antía Veiga, Claudia Sande e Daniela Macedo.
Fóra de casa competiron o resto dos equipos: o Xuvenil B en Ferrol ante o Racing (1-0), o San Tirso SD Cadete en Pontevedra co Salgueiriños FC (3-2), o Infantil en Bertamiráns (0-3), o San Tirso SD Infantil en Ourense co Pabellón CF (2-2), o Orzán SD Infantil A Femenino en Arzúa (0-9) e o Orzán SD Infantil B Femenino en Antas de Ulla (4-1).
O calendario abriuno o pasado martes na Cidade Deportiva o partido entre o Victoria e o Fabril FC Alevín (0-3) correspondente á 3ª xornada no subgrupo 1º de Primera A Coruña de fútbol 8 que foi aprazado a principios de mes debido ao temporal.
Así mesmo, onte venres 24 en Abegondo xogouse outro encontro, esta vez correspondente ao subgrupo 1º da Liga Galega infantil feminina. O Orzán SD Infantil A Femenino venceu (4-1) ao Orzán SD Infantil B Femenino en partido que foi aprazado a finais do mes de outubro.
O calendario de partidos desta semana, cos resultados dos xa xogados, é o seguinte:
Categoría feminina
Tercera Federación FutFem, 11ª xornada: OLÍMPICO DE LEÓN 3 - DEPORTIVO ABANCA B 3 (Noela -3-)
Primera Autonómica, 11ª xornada: CF NOIA - ORZÁN SD XUVENIL FEMENINO, mañá domingo 26 de novembro ás 18:30 no Anexo Julio Mato (Noia)
Segunda Autonómica, 11ª xornada: ORZÁN SD B SUB-16 FEMENINO - UD CARRAL, mañá domingo 26 de novembro ás 16:00 na Torre (campo 1)
Liga Galega, subgrupo 1º, 11ª xornada: ORZÁN SD CADETE FEMENINO - PM FRIOL, suspendido
Liga Galega, subgrupo 1º, 6ª xornada: ORZÁN SD INFANTIL A FEMENINO 4 (Naiara Fontenla, Sasha Decor, Marta Moreno e Bianca Ventureira) - ORZÁN SD INFANTIL B FEMENINO 1 (Ariana Barros)
Liga Galega, subgrupo 1º, 11ª xornada: ARZÚA FCF 0 - ORZÁN SD INFANTIL A FEMENINO 9 (Marta Moreno -3-, Lola Freire -2-, Bianca Ventureira -3- e Carolina Lago)
Liga Galega, subgrupo 1º, 11ª xornada: ANTAS SD 4 - ORZÁN SD INFANTIL B FEMENINO 1 (Sofía Asensio)
Segunda Federación
13ª xornada: FABRIL - CD CAYÓN, mañá domingo 26 de novembro ás 12:00 en Abegondo
Categoría xuvenil
División de Honra, 12ª xornada: CD LUGO - XUVENIL A, mañá domingo 26 de novembro ás 12:15 na Cheda (Lugo)
Liga Nacional 13ª xornada: RACING DE FERROL 1 - XUVENIL B 0
Categoría cadete
División de Honra, 11ª xornada: CADETE 6 (Janusz -3-, Miguel de Labra, Diego e Xabi Campos) - CD AREOSA 0
División de Honra, 11ª xornada: SALGUEIRIÑOS FC 3 - SAN TIRSO SD CADETE 2 (Gael e Guille)
Categoría infantil
División de Honra, 10ª xornada: BERTAMIRÁNS FC 0 - INFANTIL 3 (Sergio Cortizo e Raúl -2-)
División de Honra, 10ª xornada: PABELLÓN OURENSE CF 2 - SAN TIRSO SD INFANTIL 2 (Mario González e Antón Vilariño)
Categoría alevín
Primera A Coruña de fútbol 8, subgrupo 1º, 6ª xornada: ALEVÍN A 12 (Nacho Villanueva -3-, David Gómez -2-, Rui Fernández, Hugo Macedo -2-, Martín López, Brais Martínez, Iván Gil y Hugo Luaces) - VICTORIA CF 1
Primera A Coruña de fútbol 8, subgrupo 1º, 3ª xornada (martes 21): VICTORIA CF 0 - FABRIL FC ALEVÍN 3 (Thiago López, Nico Rodríguez-Ponce e Miguel Candal)
Primera A Coruña de fútbol 8, subgrupo 1º, 6ª xornada: FABRIL FC ALEVÍN 2 (Hugo Quintela e Thiago López) - ATLÉTICO CORUÑA MONTAÑEROS CF 1
Categoría benjamín
Primera A Coruña de fútbol 8, subgrupo 1º, 6ª xornada: ORILLAMAR SD 0 - BENXAMÍN A 11 (Mateo Songo'o -4-, Leo Lorenzo -3-, Alberto Novo, Adrián Liñares, Yago Prieto e Diego Castelo)
Primera A Coruña de fútbol 8, subgrupo 2º, 6ª xornada: OLÍMPICO CF 0 - FABRIL FC BENXAMÍN 7 (Leo Galván -3-, Martín Coronel -2-, Nico Castro e David Santiago)