Finalizada a liga no grupo 1º de Primera RFEF, o Dépor métese de cheo no playoff de ascenso a Segunda División.
O vindeiro sábado 4 de xuño, o cadro branquiazul mídese ao Linares Deportivo (21:00 horas) na semifinal, a partido único.
Borja Jiménez insistiu nas súas últimas comparecencias públicas en que a semana é normal para o grupo e mantivo a rutina habitual: sesión dominical post-partido, xornada de descanso hoxe luns e volta ao traballo mañá martes para completar até o encontro un total de catro adestramentos matinais.
Desas sesións previstas, dúas delas, as do mércores 1 e o venres 3, serán en ABANCA-RIAZOR, a porta pechada.
Dada a hora do partido, 21:00 horas, podería haber o mesmo sábado unha suave sesión de activación, circunstancia que se repetiu en varias ocasións durante a liga sempre que o horario permitíao.
Cada vez que haxa actividade na Cidade Deportiva, o cadro reúnese a partir das 9:00 para almorzar no comedor da instalación.
A planificación semanal, sempre susceptible de sufrir variación por razóns técnicas, é a seguinte:
Martes 31 de maio
10:30h., en Abegondo
Mércores 1 de xuño
10:30 h., en ABANCA-RIAZOR (a porta pechada)
Xoves 2 de xuño
10:30 h., en Abegondo
Venres 3 de xuño
10:30 h., en ABANCA-RIAZOR (a porta pechada)
Sábado 4 de xuño
21:00: Deportivo - Linares Deportivo
