O Dépor ABANCA encara a súa segunda semana de pretemporada que se desenvolverá entre a Cidade Deportiva de Abegondo e o Complexo Deportivo de Melgaço en Portugal.
Durante estes días, As Nosas disputarán dous amigables, os dous primeiros do verán, ante dous históricos do fútbol portugués, o SC Braga e o Sporting CP.
Vera Martínez, unha das novas incorporacións, valorou o pasado venres en rolda de prensa moi positivamente estes días de concentración porque "a unión é imprescindible, o vestiario, nós co corpo técnico, todo. Esa unión fai que todos rememos na mesma dirección e iso fai que os resultados cheguen. Moitas veces a unión que hai nun equipo é unha porcentaxe moi alta do resultado".
A defensora branquiazul advirte que "a base que ten o equipo é moi boa, as xogadoras que hai son excelentes e fai que as que chegamos novas fágasenos fácil esa adaptación. E iso é imprescindible, unhas xogadoras que xa teñen a idea de club, de xogo, de todo o que quere este Dépor fai que a chegada nosa sexa moi sinxela e creo que ten que seguir un pouco esa liña. Levan unha dinámica moi boa, as que vimos vimos para achegar todo o bo de nós e hai que seguir nesa liña, seguir sendo o equipo que somos, mellorando o que haxa que mellorar, adaptándonos a esta liga porque por suposto que vai haber cambios, pero seguir dando a mellor versión de cada unha e iso fará que os resultados cheguen".
Ademais deses dous primeiros amigables, o cadro terá 3 sesións de adestramento matinais.
A planificación semanal, sempre susceptible de sufrir variación por razóns técnicas, é a seguinte:
Luns 29 de xullo
11:00 h., Abegondo
Martes 30 de xullo
11:00 h., Abegondo
Mércores 31 de xullo
13:00 (hora galega, 12:00 en Portugal): SC Braga - Deportivo ABANCA, nas Instalacións Deportivas Monte Prado-Melgaço
Xoves 1 de agosto
11:00 h., Complexo Deportivo de Melgaço
Venres 2 de agosto
13:00 (hora galega, 12:00 en Portugal): Sporting CP - Deportivo ABANCA, no Estadio Vila Cha en Vila Cha
Sábado 3 de agosto
Descanso
Domingo 4 de agosto
Descanso
