Víctor entra na recta final da súa recuperación. Esta mañá, na primeira sesión de traballo do Deportivo esta semana, o carrileiro branquiazul comezou a realizar tarefas co grupo.
Agora, os Servizos Médicos comprobarán a súa evolución nos próximos días para comprobar se Víctor está en condicións de competir este domingo 27 de febreiro (12:00 horas, Footters) no Estadio Novo Matapiñonera, en San Sebastián de los Reyes, en partido correspondente á 25ª xornada en Primeira RFEF.
Só Diego Aguirre tivo adestramento personalizado, a consecuencia dunhas molestias nos isquiotibiais, pendente de evolución nos próximos días.
Despois de dous días de descanso, onte luns e martes, Borja Jiménez 'recibiu' ao seu cadro cunha longa e intensa sesión de traballo, cun quecemento con tarefas de forza, un partido a tres cuartas partes do campo 2 e fútbol reducido, de alta intensidade, para concluír. Todo iso despois de pasar pola sala de vídeo, como adoita ser habitual no primeiro adestramento semanal.
O único contratempo da asollada mañá foi unha escordadura de nocello que obrigou a Ian Mackay a retirarse antes aos vestiarios.
Con Noel e Trilli concentrados até hoxe mércores coa selección española sub-19, Yeremay, Alberto e Iván Guerrero foron hoxe a representación de #ANOSACANTEIRA.
Mañá xoves, o Dépor adestrarase de novo en Abegondo a partir das 10:30 horas.
