Concluída a concentración de Portugal e os tres amigables ante FC Famalicão, Gil Vicente FC e GD Chaves, Os Nosos encaran a recta final da pretemporada coa disputa da LXXIX edición do Trofeo Teresa Herrera.
O Unionistas de Salamanca CF de Primera RFEF será o rival das semifinais en ABANCA-RIAZOR, o venres 9 de agosto ás 20:30 horas.
O encontro, enmarcado na DéporXira Auga de Parada será retransmitido en directo pola canle oficial de YouTube do RC Deportivo grazas a Auga de Parada.
Esta firma, referente histórico en cidade no equipamento para baños, fai posible a retransmisión de todos os partidos de pretemporada.
Auga de Parada esponsorizou as retransmisións da última DéporXira, a da pretemporada 2023-24, e patrocinou durante as dúas últimas campañas as emisións de partidos desde Abegondo, que comezaron durante o curso 2022-23 con todos os encontros do Dépor ABANCA e algúns de Fabril e Xuvenil A.
O calendario de amigables de pretemporada, cos resultados dos xa xogados, queda así:
Martes 23 de xullo
Ourense CF 0 - Deportivo 4 (Yeremay, Mario Soriano, Barbero e Pablo Muñoz)
Sábado 27 de xullo
Pontevedra CF 0 - Deportivo 2 (Villares e Hugo Rama)
Martes 30 de xullo
FC Famalicão 2 - Deportivo 2 (Barbero e Lucas)
Mércores 31 de xullo
Gil Vicente FC 0 - Deportivo 0
Sábado 3 de agosto
GD Chaves 2 - Deportivo 0
Venres 9 de agosto
20:30: Deportivo - Unionistas de Salamanca CF (semifinal do LXXIX Trofeo Teresa Herrera), en ABANCA-RIAZOR (📺YouTube RC Deportivo)
Sábado 10 de agosto
Terceiro e cuarto posto (16:00) ou gran final (21:00 horas) do LXXIX Trofeo Teresa Herrera, en ABANCA-RIAZOR (📺YouTube RC Deportivo)