O deportivista Borja Valle xogará cedido no Elche, da Liga 123, o que resta de temporada, segundo o acordo alcanzado entre ambos os clubs.
O futbolista berciano xa se atopa na cidade alacantina. Os Servizos Médicos do RC Deportivo xa están en contacto cos do Elche CF para o tratamento de recuperación da lesión muscular que Borja Valle sofre no seu cuádriceps dereito.
O Real Club Deportivo quere desexar a Borja os maiores éxitos nesta nova etapa profesional.
