Antía Veiga incorporouse á selección española sub-16 para uns adestramentos en Las Rozas (Madrid).
A canteirá deportivista estará concentrada co equipo nacional até o mércores 2 de outubro.
Este mes de setembro, a gardameta orzanista, de 15 anos, participou coa sub-17 en dous amigables ante Inglaterra en Alfaz do Pi.
Antía Veiga adestrouse esta pretemporada co primeiro equipo e chegou a debutar no amigable ante o Real Oviedo Femenino disputado o pasado 21 de agosto en Abegondo.
As Nosas consolídanse como un viveiro para as categorías inferiores da selección española posto que, ademais de Antía, Olaya e Marina Artero acaban de regresar do Mundial sub-20; a propia Marina é campioa de Europa sub-19 e Lucía Rivas, sub-17; e Claudia Sande participou nuns adestramentos coa sub-15.