Antonio Tomás asinou esta tarde no Club a súa cesión por unha tempada ao Real Racing Club
Antonio Tomás pasouse hoxe martes pola tarde pola sede do Club na Praza de Pontevedra para asinar a súa cesión ata o 30 de xuño de 2007 ao Real Racing Club de Santander, club ao que pertencía Antonio Tomás antes de ser fichado polo Deportivo.
O mediocentro cántabro, recentemente operado de apendicitis, adestrouse estes días co readaptador físico do Dépor, Carlos Lalín, e hoxe mesmo xa emprendeu viaxe de regreso a Santander.
