Precisamente onte mércores, Deportivo e Newcastle asinaban o traspaso do futbolista arxentino ao fútbol inglés, pase que suporá ao Dépor unha cifra que podería roldar en total os 13 millóns de euros. Coloccini chegou á Coruña en xaneiro de 2005 procedente do Milan. A súa fichaxe custou ao Deportivo 3 millóns de euros e, ademais, o equipo rossonero participou sen custo algún no Trofeo Teresa Herrera do Centenario.
