Os Nosos encaran desde mañá martes 6 intensos días de competición con Copa del Rey en Ourense este mércores 4 ás 20:00 e liga o sábado 7 en ABANCA-RIAZOR fronte ao Real Zaragoza.
O Dépor estréase na competición copeira en segunda rolda ao quedar exento na primeira eliminatoria pola súa condición de campión da Primera Federación.
Pola súa banda, en liga, os pupilos de Óscar Gilsanz, co triunfo o pasado sábado no Nuevo Mirandilla de Cádiz, suman 20 puntos na 15ª posición de LaLiga Hypermotion.
Preguntado por ese espectacular triunfo en Cádiz, Lucas Pérez manifestou que "vai ser moi importante para encadear unha consecutiva cando xoguemos contra o Zaragoza, aínda que primeiro temos que pasar en Copa".
Ademais, Os Nosos completarán 4 sesións de traballo matinais en Abegondo, unha delas o mesmo mércores, día do partido en Ourense.
Cada día o cadro almorzará e comerá na propia instalación branquiazul.
A planificación semanal, sempre susceptible de sufrir variación por razóns técnicas, é a seguinte:
Martes 3 de decembro
11:00 h.
Mércores 4 de decembro
11:00 h.
20:00 (Copa del Rey): Ourense CF - Deportivo, no Couto
Xoves 5 de decembro
11:00 h.
Venres 6 de decembro
11:00 h.
Sábado 7 de decembro
18:30: Deportivo - Real Zaragoza, en ABANCA-RIAZOR
