Cristóbal Parralo, técnico do RC Deportivo, e Juanfran Moreno, un dos capitáns do primeiro equipo, clausuraron esta mañá a primeira edición dos DéporCampus Cabreiroá Indoor, que se desenvolveu nas instalacións de Fútbol Indoor Coruña (A Grela) e en PadelPlus (Alvedro).
Tanto o adestrador deportivista como o lateral branquiazul entregaron os diplomas un a un a cada participante, asinaron autógrafos e fotografáronse con todos os nenos.
Os I DéporCampus Cabreiroá Indoor, dirixidos a nenos e nenas entre 6 e 12 anos, desenvolvéronse do martes 26 e ao sábado 30 de decembro.
Como en todos os DéporCampus, os case 90 inscritos contaron con transporte gratuíto, seguro de accidentes deportivo, un equipamento (camiseta, pantalón e medias) por alumno, un xantar diario (auga e froita) e o diploma acreditativo da participación. Ademais, os nenos participaron nun sorteo final de agasallos.
Os DéporCampus Cabreiroá Indoor teñen como principal obxectivo o perfeccionamento dos fundamentos técnicos dos xogadores: a condución, o control, o pase, o caneo e o golpeo de balón, nunhas condicións de adestramento e unhas instalacións propicias para a mellora individual do xogador, supervisados por técnicos da canteira do Real Club Deportivo.
