-Foto:@rfef.es
Coa clasificación para oitavos no peto como líderes de grupo, as deportivistas Marina Artero e Olaya finalizaron con vitoria ante Marrocos (2-0) no Estadio Olímpico Pascual Guerrero de Cali a Primera Fase do Mundial sub-20.
A central branquiazul (na foto a terceira xogadora de pé empezando pola dereita) foi titular mentres que Olaya seguiu o choque desde o banco.
Con este resultado, España suma 9 puntos de 9 posibles nesta primeira parte do torneo.
O pasado xoves, a selección española selou o pase ao gañar (2-0) a Paraguai na 2ª xornada coa participación de ambas as deportivistas.
Olaya saíu no once inicial e foi substituída no minuto 45 por Erika González a consecuencia dunhas molestias musculares.
Pola súa banda, Marina Artero saltou ao campo no minuto 56 en substitución de Maite Zubieta.
No debut ante Estados Unidos, un gol de Olaya no minuto 8, a pase de Lucía Corrales, deu o triunfo (1-0) ao combinado nacional.
Nesta ocasión, Marina Artero seguiu o encontro desde o banco.
España espera agora rival para oitavos de final, que será un terceiro clasificado do grupo A, B ou F.
O calendario das dúas futbolistas branquiazuis, cos resultados dos partidos xa xogados, é o seguinte:
Primeira Fase
Domingo 1 de setembro
ESPAÑA 1 - ESTADOS UNIDOS 0
Xoves 5 de setembro
ESPAÑA 2 - PARAGUAI 0
Domingo 8 de setembro
MARROCOS 0 - ESPAÑA 2
O Dépor ABANCA está representado no torneo mundial con 3 futbolistas: Marina Artero e Olaya por España; e Michi Apóstol por Venezuela.