-Foto:@rfef.es
A selección española impúxose (2-0) a Paraguai na 2ª xornada do Campionato do Mundo sub-20 de Colombia coa participación de Olaya e de Marina Artero.
Con este triunfo, o combinado nacional asegúrase o liderado de grupo e o pase consecuente á Fase Final.
Olaya saíu no once inicial (na foto co dorsal 16) e foi substituída no minuto 45 por Erika González a consecuencia dunhas molestias musculares.
Pola súa banda, Marina Artero saltou ao campo no minuto 56 en substitución de Maite Zubieta.
No debut ante Estados Unidos, un gol de Olaya no minuto 8, a pase de Lucía Corrales, deu o triunfo (1-0) ao combinado nacional.
Nesta ocasión, Marina Artero seguiu o encontro desde o banco.
Cos deberes feitos, España finaliza esta Primera Fase na madrugada do sábado ao domingo ante Marrocos no Estadio Olímpico Pascual Guerrero de Cali.
O calendario das dúas futbolistas branquiazuis, cos resultados dos partidos xa xogados, é o seguinte:
Domingo 1 de setembro
ESPAÑA 1 - ESTADOS UNIDOS 0
Xoves 5 de setembro
ESPAÑA 2 - PARAGUAI 0
Domingo 8 de setembro
1:00: MARROCOS - ESPAÑA, no Estadio Olímpico Pascual Guerrero (Cali)
O Dépor ABANCA está representado no torneo mundial con 3 futbolistas: Marina Artero e Olaya por España; e Michi Apóstol por Venezuela.