Francisco Javier Alonso López (Madrid, 13 de xuño de 1976) coñecido futbolísticamente como Fran Alonso, será o novo adestrador do Dépor ABANCA até final de temporada con opción a unha campaña máis.
O novo técnico deportivista desenvolveu boa parte da súa carreira no Reino Unido, primeiro como asistente de técnicos como Mauricio Pochettino (Southampton) ou Ronald Koeman (Everton) na Premier League. Durante estas etapas tamén estivo como adestrador asistente no Everton Ladies e como adestrador principal no Southampton Women FC.
Conta cunha importante trxectoria no fútbol feminino após dirixir ao Lewes FC inglés e ao Celtic de Glasgow, co que conseguiu unha Copa de Liga (2021-22) e dúas Copas de Escocia (2021-22 e 2022-23), ademais de clasificalo en 2 ocasións para a Champions League Feminina, sendo a primeira vez na historia que o club se clasificaba para a máxima competición europea.
Os seus éxitos en Escocia o catapultaron á National Women Soccer League (NWSL), mellor liga feminina do mundo, concretamente ao Houston Dash, equipo co que finalizou o contrato neste ano 2024.