Irene Ferreras, protagonista do "Día do Adestrador" do Comité Galego de Adestradores o próximo día 23
Irene Ferreras, adestradora do Dépor ABANCA, participará o vindeiro sábado 23 de setembro no "Día do Adestrador" do Comité Galego de Adestradores da Real Federación Galega de Fútbol (RFGF), un evento que terá lugar no Auditorio Emilia Parzo Bazán, en Sanxenxo (Pontevedra), a partir das 11:30 horas.
A adestradora deportivista, que inicia a súa segunda temporada ao mando do primeiro equipo branquiazul, compartirá mesa redonda con Carlos Carvalhal, adestrador portugués que a pasada temporada dirixiu ao RC Celta de Vigo e que substitúe a última hora a Pacheta tralo seu recente nomeamento como técnico do Villarreal CF, e con Massimilliano Bellarte, seleccionador italiano de fútbol sala.
O Comité Galego de Adestradores da RFGF aproveitará o evento para facer un reconociemento aos adestradores máis destacados de fútbol, fútbol sala, fútbol praia e fútbol gaélico durante o pasado exercicio. Tamén premiará as traxectorias máis destacadas dos técnicos das diferentes delegacións de Galicia.