Así, Alberto Lopo, autor do tanto do empate nun certeiro cabezazo, opina que o Dépor "na segunda metade foi a por o partido, cun gol en contra. E reflectiuse no campo, en ocasións e en levar o control do partido. Non puido ser o triunfo e hai que esperar a Riazor".
Jonás Gutiérrez, pola súa banda, opina que "hoxe nos atopamos cun empate que é bo, pero iso non quere dicir que a eliminatoria estea resolta".
Nesta liña, cre o atacante arxentino que "demos un gran paso, pero agora hai que rematar a faena o próximo partido en Riazor".
Finalmente, Manuel Pablo, titular no lateral zurdo esta tarde en Miranda, cre que con este empate a uns "se cadra temos un pouco de vantaxe, pero xa vimos o que fixo o Mirandés na pasada eliminatoria. É un equipo que está en moi bo estado e hai que traballar igual que neste partido".
O capitán deportivista dixo que "na primeira parte presionáronnos bastante e custar un pouco máis. Na segunda igual baixaron un pouco e xa puidemos combinar máis, e chegaron máis oportunidades".
