-Foto:@fvf.com.ve
Michi Apóstol (na foto a primeira empezando pola esquerda) finalizou con Venezuela a Primera Fase do Campionato do Mundo sub-20 de Colombia.
O rival da 'Vinotinto' foi a potente Nixeria no Estadio Olímpico Pascual Guerrero na 3ª e última xornada.
As venezolanas, que precisaban un triunfo para acceder aos oitavos de final, caeron coas africanas (4-0) e quedaron apeadas do torneo.
A deportivista xogou completo o partido do mesmo xeito que os dous anteriores, fronte á República de Corea (0-0) e ante Alemaña (5-2).
Michi Apóstol despídese da competición cun histórico punto de Venezuela nun Mundial sumado fronte ás coreanas; 1 gol, ante o combinado alemán; e varias opcións máis de marcar, como un disparo á madeira tamén fronte a Alemaña.
Os resultados de Venezuela e Michi Apóstol no Mundial foron os seguintes:
Primeira Fase
Domingo 1 de setembro
ALEMAÑA 5 - VENEZUELA 2
Xoves 5 de setembro
REPÚBLICA DE COREA 0 - VENEZUELA 0
Sábado 7 de setembro
NIXERIA 4 - VENEZUELA 0