David Mella e Kevin Sánchez están concentrados coa selección española sub-19 na localidade alacantina de Alfaz do Pi para disputar dous amigables ante Noruega esta semana en Benidorm.
No primeiro deles, disputado hoxe martes, o triunfo foi claramente para os españois (5-0) nun partido no que só participou Kevin Sánchez (na foto de arquivo).
O dianteiro fabrilista saltou ao céspede no minuto 68 en substitución de Álvaro Moreno.
David Mella, que chegaba á concentración do equipo nacional despois dun esixente partido o domingo co Dépor en ABANCA-RIAZOR ante a SD Tarazona, seguiu hoxe o choque desde o banco.
A próxima cita para España sub-19 ante os noruegueses será o xoves 22 ás 11:00 no mesmo escenario, o Estadio Guillermo Amor.
O calendario de partidos da selección española sub-19 é o seguinte:
Martes 20 de febreiro ESPAÑA 5 - NORUEGA 0
Xoves 22 de febreiro 11:00: ESPAÑA - NORUEGA, no Estadio Guillermo Amor (Benidorm)
David Mella e Kevin Sánchez son dous dos canteiráns que están no radar das categorías inferiores da selección española, como José Rei, Pablo García, Elena Vázquez, Lucía Rivas ou Antía Veiga.