O Dépor ABANCA B dobregou en Mareo (0-2) ao Sporting de Gijón B nun partido correspondente á 5ª xornada en Tercera Federación que se resolveu nos últimos minutos.
Cando parecía que o encontro podía acabar en empate chegaron os tantos de Paula Monteagudo no minuto 80 e de Paula Novo xa no 90.
Con este resultado, o equipo de Óscar Orro, que recibiu o venres un premio do Comité Galego de Adestradores, suma 13 puntos, situado na 2ª posición da táboa após o Olímpico de León, líder con 15 puntos.
Dépor ABANCA B: Martina Rivas, Alejandra Vázquez, Paula Redruello, Paula Novo, Dunia Dahmouni, Noe Mayo, Carmen Carballada, Paula Monteagudo, Yanís Citoula, Anfal El Yamani e Lucía Mariño. Tamén xogaron: Sara Cercido, Laura Otero, Michi Apostol e Laura Santos.
A próxima fin de semana, o Dépor ABANCA B recibe en Abegondo ao CD Romanón.
Os resultados até a data do Dépor ABANCA B son os seguintes:
CD Villa de Simancas 2 - Dépor ABANCA B 2 (Laura Ruiz e Lucía Mariño)
Dépor ABANCA B 3 (Michi Apóstol, Dunia Dahmouni e Paula Novo) - Victoria FC 0
Sárdoma CF 0 - Dépor ABANCA B 2 (Carmen Carballada e Laura Otero)
Dépor ABANCA B 1 (Paula Monteagudo) - CD Lugo 0
Sporting de Gijón B 0 - Dépor ABANCA B 2 (Paula Monteagudo e Paula Novo)