O Dépor ABANCA B impúxose (5-1) en Abegondo ao CD Bovedana, en partido correspondente á 10ª xornada no grupo 1º de Tercera Federación FutFem.
Un 'hat trick' de Noela e os goles da internacional Lucía Rivas e de Paula Monteagudo selaron a vitoria.
Óscar Orro, técnico deportivista, puido contar coa internacional Elena Vázquez, que finalmente non entrou na convocatoria do primeiro equipo, ademais da citada Paula Monteagudo ou Carmen Carballada, futbolistas que se adestran a diario co Dépor ABANCA.
Con este resultado, o filial suma 27 puntos e segue ao ronsel do Real Avilés CF e Lóstrego CF, líderes con 28 puntos.
Deportivo ABANCA B: Uxía Rabuñal, Paula Monteagudo, Elena Vázquez, María Calvo, Noelia Mayo, Carmen Carballada, Laura Otero, Macarena González, Sara Cercido, Lucía Rivas e Noela Sánchez. Tamén xogaron: Laura Testa, Uxía López, Elena López 'Cusi', Antía Brage e Andrea Ansede.
A próxima semana non haberá xornada de liga. En quince días, o Dépor ABANCA B visita ao Olímpico de León.
Antes, varias xogadoras branquiazuis están citadas coa selección galega sub-17 para un adestramento o vindeiro martes 14 de novembro ás 17:00 no campo da Braña (Rois): Elena Vázquez, Lucía Rivas, Maca González e Sara Cercido.
Os resultados até a data do Deportivo ABANCA B foron os seguintes:
Deportivo ABANCA B 2 (Lucía Rivas -2-) - Victoria FC 1
Umia CF 0 - Deportivo ABANCA B 1 (Uxía López)
Deportivo ABANCA B 5 (Lucía Rivas, Elena López 'Cusi', Laura Otero -2- e Laura Testa) - CD Lugo 0
Lóstrego CF 1 - Deportivo ABANCA B 0
Gijón FF 0 - Deportivo ABANCA B 3 (Macarena González, Uxía López e Laura Otero)
Deportivo ABANCA B 5 (Laura Otero -2-, Lucía Rivas, Uxía López e Laura Santos) - Real Oviedo Femenino B 0
Sárdoma CF 1 - Deportivo ABANCA B 2 (Elena López 'Cusi' e María Calvo)
Deportivo ABANCA B 4 (Sara Cercido, Paula Monteagudo, Lucía Rivas e Laura Otero) - Sporting de Gijón B 2
Victoria CF 3 - Deportivo ABANCA B 4 (Carmen Carballada -2-, Lucía Rivas e Elena López 'Cusi')
Deportivo ABANCA B 5 (Noela -3-, Lucía Rivas e Paula Monteagudo) - CD Bovedana 1