O Dépor ABANCA B non logrou perforar na Coruña a portería do Victoria CF (0-0), en partido correspondente á 9ª xornada no grupo 1º de Tercera Federación.
A primeira parte foi moi igualada. Tras o paso polos vestiarios, as deportivistas aumentaron o ritmo pero sen crear demasiado perigo.
Con este resultado, o Dépor ABANCA B suma 21 puntos e iguala no liderado co Olímpico de León, que mañá sábado ás 16:00 recibe no seu campo ao Sárdoma CF.
Deportivo ABANCA B: Antía Veiga, Vázquez, Redru, Paula Novo, Carmen Carballada, Laura Santos, Sara Cercido, Paula Monteagudo, Laura Ruiz, Michi Apóstol e Laura Otero. Tamén xogaron: Anfal El Yamani, Noe Mayo, Yanís Citoula e Emma Gandoy.
A gardameta titular esta tarde, Antía Veiga, incorpórase este martes 5 de novembro a unha concentración da selección española sub-16 en Las Rozas (Madrid).
A próxima cita ligueira para o conxunto de Óscar Orro será a próxima fin de semana en Abegondo ante o Bergantiños CF.
Os resultados ata a data do Dépor ABANCA B son os seguintes:
CD Villa de Simancas 2 - Dépor ABANCA B 2 (Laura Ruiz e Lucía Mariño)
Dépor ABANCA B 3 (Michi Apóstol, Dunia Dahmouni e Paula Novo) - Victoria FC 0
Sárdoma CF 0 - Dépor ABANCA B 2 (Carmen Carballada e Laura Otero)
Dépor ABANCA B 1 (Paula Monteagudo) - CD Lugo 0
Sporting de Xixón B 0 - Dépor ABANCA B 2 (Paula Monteagudo e Paula Novo)
Deportivo ABANCA B 14 (Laura Otero -3-, Michi Apóstol -2-, Paula Monteagudo -5-, Anfal El Yamani, Laura Santos, Laura Ruiz e unha futbolista rival en propia meta) - CD Romanón 0
Olímpico de León 0 - Deportivo ABANCA B 4 (Michi Apóstol -2-, Laura Santos e Laura Otero)
Deportivo ABANCA B 1 (Anfal El Yamani) - RC Celta 1
Victoria CF 0 - Deportivo ABANCA B 0
