O Dépor ABANCA conseguiu o pase da primeira rolda da Copa de la Reina (0-1) cun gol de Millene no minuto 94 de partido.
Os primeiros compases resultaron bastante igualados. Aos 6 minutos o equipo local apuntouse o primeiro achegamento do partido por medio dunha falta proveniente de banda dereita que non logrou ser despexada con contundencia pola zaga deportivista. No minuto 10, As Nosas contestaron cun balón na área de Carlota para ADT, que non puido rematar con contundencia a 9.
Paula Gutiérrez probou a súa destra desde moi lonxe no 15 e ADT tivo a primeira gran ocasión no 22 cun man a man a pase de Altuve que detivo Yamila.
A partir da media hora de xogo, as locais volveron recuperar confianza e sumaron minutos de achegamento á portería de Yohana sen moito perigo. Finalmente, a primeira parte acabaría sen goles.
Irene axitou a coctelera para a segunda metade e ingresaron no terreo Eva Dios, F. Lara e Bárbara. Os cambios traducíronse en máis control de xogo e boas sensacións ofensivas. No minuto 56, Vera cabeceou un centro proveniente de banda dereita que se marchou desviado.
Á hora de enfrontamento, ADT deixou o campo por Hmírová, que avivou o xogo por banda dereita coa súa velocidade. Xa cun cuarto de hora restante, Altuve deixou paso a Millene.
Finalmente, cando parecía que a prórroga ía chegar, Millene apareceu no 94 para cabecear un centro ao fondo da rede para confirmar o pase do Dépor ABANCA á seguinte fase.
Dépor ABANCA: Yohana, Cris M., Raquel, Vera, Elena (F. Lara, min. 46), Lucía, Paula G., Laura Ruiz (Bárbara, min. 46), ADT (Hmírová, min. 62), Carlota ( Eva Dios, min. 46) e Altuve (Millene, min. 75)
