Clarence Seedorf convocou a 18 futbolistas para o partido de mañá venres 6 de abril (21:00 horas, Bein LaLiga) no Estadio ABANCA-RIAZOR ante o Málaga CF, correspondente á 31ª xornada en LaLiga Santander.
A gran novidade é o regreso do internacional uruguaio Fede Valverde, que hoxe mesmo recibiu a alta médica.
Quedan fóra de maneira forzosa os 'tocados' Eneko Bóveda e Fede Cartabia; ademais do sancionado Luisinho.
No adestramento desta tarde, o exercicio principal foi un partido táctico e, para concluír, repaso de accións de estratexia (faltas, saques de esquina...)
Os futbolistas citados concéntranse esta noite no Hotel Meliá María Pita á espera do partido.
