O Dépor Genuine viaxa hoxe a Tarragona, onde participará esta fin de semana na xornada inaugural de LaLiga Genuine 2023-2024.
A expedición branquiazul desprazarase esta noite en avión até Barcelona, desde onde iniciará viaxe por estrada a Salou (Tarragona). O regreso producirase o domingo pola noite.
O equipo deportivista disputará tres encontros, como é habitual, que nesta ocasión terán como escenario o Complex Esportiu Futbol Salou. O sábado medirase ao CF Fuenlabrada pola mañá e ao SD Eibar Fundazioa pola tarde, mentres que na matinal do domingo enfrontarase ao FC Cartagena.
Os 16 convocados para esta xornada son Daniel Trasancos, Gabriel Cives, Cristian Vázquiez, Alejandro Rey, Mamadou Fall, Andrés Barbeito, Alejandro Lugrís, Álvaro Castilla, José Antonio Cagiao, Alejandro Gómez, Anxo Martínez, Javier Martínez, Álvaro Vidal, Alberto Piñeiro, Miguel Rivas e Saúl Jiménez. Xunto a eles viaxarán os técnicos Lucía Otero, Carlos García Collazo e Breogán López e o delegado Andrés Echevarría.
O equipo branquiazul conta esta temporada co patrocinio de Duacode, Vales & Asociados e Quirónsalud.
O plan de viaxe e competición do Dépor Genuine é o seguinte:
Xoves 16 de novembro
21:30: Saída do voo desde o aeroporto de Alvedro con destino Barcelona
Venres 17 de novembro
01:10: Chegada aproximada a Salou e aloxamento no hotel Caribe
19:00: Acto inaugural da temporada no Nou Estadi Costa Daurada
Sábado 18 de novembro
11:00: DÉPOR GENUINE - CF FUENLABRADA, no C.E. Futbol Salou (campo 3)
17:30: SD EIBAR FUNDAZIOA - DÉPOR GENUINE, no C.E. Futbol Salou (campo 5)
Domingo 19 de novembro
10:00: DÉPOR GENUINE - FC CARTAGENA, no C.E. Futbol Salou (campo 2)
16:20: Saída do autocar desde Salou
22:10: Chegada aproximada ao aeroporto de Alvedro
O calendario de competición da sexta edición de LaLiga Genuine é o seguinte:
1ª fase:
Tarragona (Nou Estadi e C.E. Futbol Salou, 17, 18 e 19 de novembro de 2023)
2ª fase:
Cádiz (C.D. Bahía de Cádiz, 2, 3 e 4 de febreiro de 2024)
A Coruña (C.D. Abegondo, 15, 16 e 17 de marzo de 2024)
3ª fase:
Santa Cruz de Tenerife (C.D. Javier Pérez, 12, 13 e 14 de abril de 2024)
Burgos (C.D. Burgos Promesas 2000, 10, 11 e 12 de maio de 2024)
4ª fase:
Getafe (C.D. Fernando Santos de la Parra, 7, 8 e 9 de xuño 2024)