O Dépor Genuine emprende mañá venres viaxe a Getafe, onde participará esta fin de semana na cuarta e última fase de LaLiga Genuine 2023-2024.
A expedición branquiazul despegará ás 12:35h deste venres desde o aeroporto de Alvedro, para aterrar en Madrid ás 13:45h. O regreso producirase o domingo ás 19:10h, tamén por vía aérea.
O equipo deportivista disputará tres encontros, como é habitual, que nesta ocasión terán como escenario a Cidade Deportiva Fernando Santos de la Parra. O sábado medirase á Fundación Málaga CF pola mañá e ao Real Sociedad Fundazioa pola tarde, mentres que na matinal do domingo enfrontarase ao Racing Club Ferrol.
Os 16 convocados para esta xornada son José Manuel Serrano, Víctor Vales, Senén Fernández, Mamadou Fall, Carmen Durán, Andrés Manuel Barbeito, Álvaro López, Álvaro Castilla, Nuria Barreiro, Alejandro Gómez, Anxo Martínez, Javier Martínez, Gabriel López, Álvaro Vidal, Miguel Rivas e Xosé Marquina 'Minchi'. Xunto a eles viaxarán os técnicos Lucía Otero, Carlos García Collazo, Breogán López e Lucía López.
O conxunto branquiazul conta esta temporada co patrocinio de Duacode, Vales & Asociados, Quirónsalud e Ontime.
O plan de viaxe e competición do Dépor Genuine é o seguinte:
Venres 7 de xuño
12:35: Saída do voo desde o aeroporto da Coruña
13:45: Chegada aproximada ao aeroporto de Madrid - Adolfo Suárez e aloxamento no hotel Axor Feira
Sábado 8 de xuño
10:00: FUNDACIÓN MÁLAGA CF - DÉPOR GENUINE, na C.D. Fernando Santos de la Parra (campo 1)
17:00: DÉPOR GENUINE - REAL SOCIEDAD FUNDAZIOA, na C.D. Fernando Santos de la Parra (campo 3)
Domingo 9 de xuño
12:00: RACING CLUB FERROL - DÉPOR GENUINE, na C.D. Fernando Santos de la Parra (campo 5)
19:10: Saída do voo desde o aeroporto de Madrid - Adolfo Suárez
20:25: Chegada aproximada á Coruña
O calendario de competición da sexta edición de LaLiga Genuine é o seguinte:
1ª fase:
Tarragona (Nou Estadi e C.E. Futbol Salou, 17, 18 e 19 de novembro de 2023)
2ª fase:
Cádiz (C.D. Bahía de Cádiz, 2, 3 e 4 de febreiro de 2024)
A Coruña (C.D. Abegondo, 15, 16 e 17 de marzo de 2024)
3ª fase:
Santa Cruz de Tenerife (C.D. Javier Pérez, 12, 13 e 14 de abril de 2024)
Burgos (C.D. Burgos Promesas 2000, 10, 11 e 12 de maio de 2024)
4ª fase:
Getafe (C.D. Fernando Santos de la Parra, 7, 8 e 9 de xuño 2024)
