O Dépor Genuine explicou o seu proxecto inclusivo ao alumnado do CIFP Ánxel Casal
O Dépor Genuine, no seu obxectivo de fomentar a inclusión na comunidade e aumentar a difusión do seu proxecto da Escola RC Deportivo para persoas con diversidade funcional, explicou onte luns 27 de novembro a súa iniciativa aos alumnos e alumnas do CIFP Ánxel Casal.
Os estudantes do centro de formación profesional de Monte Alto puideron coñecer da man dun dos xogadores e capitáns do Dépor Genuine, Xosé Marquina, os obxectivos da divulgación e concienciación sobre inclusión e diversidade funcional que a Fundación RC Deportivo persegue co Dépor Genuine e a Escola RC Deportivo Diversidade Funcional.