O Dépor mira xa a LaLiga Hypermotion cun primeiro adestramento semanal esta semana en Abegondo.
Imanol Idiakez comezou a preparar o partido ante o Real Oviedo do sábado 17 de agosto ás 19:00 horas (LaLiga TV Hypermotion e Movistar+) con todo o seu cadro no céspede salvo Sergio Escudero, que está con adestramento personalizado.
Houbo unha activación con rondos e un xogo de posición. A partir de aquí, os titulares o pasado sábado ante o CD Leganés no Trofeo Teresa Herrera continuaron con tarefas de recuperación, mentres que os demais membros do cadro tiveron un último exercicio de fútbol reducido, de alta intensidade.
Pola súa banda, Rubén, Pablo García, Kevin Sánchez, Aarón Sánchez e Adrián Guerrero foron os representantes de #ANOSACANTEIRA.
Este martes o Dépor adestrarase de novo en Abegondo a partir das 10:30 horas, con almorzo para o cadro a partir das 8:30 horas.