O CD Castellón puxo a disposición do RC Deportivo as entradas para a afección branquiazul para o encontro de volta da Final de Campións de Primera Federación, que se disputará no Estadio Municipal de Castalia o domingo 2 de xuño ás 21:00 horas.
O club blanquinegro asignou un total de 300 asentos na bancada Preferencia Alta para os afeccionados deportivistas. As entradas teñen un prezo de 20 euros e o 40 por cento das mesmas serán xestionadas pola Federación de Peñas.
As entradas poranse á venda mañá martes 28 de maio na OAD, de 10:00h a 13:30h e de 16:30h até as 19:00h, e despacharanse por orde de chegada.
As entradas serán nominativas e será obrigatorio que a persoa que as adquira, até 2 por carné e un máximo de 2 carnés por persoa, presente o DNI orixinal, copia ou imaxe de cada destinatario da entrada e que un deles sexa titular do abono.
No caso de que as entradas non se esgoten o martes, as restantes poranse á venda o mércores 29, día do partido de ida en ABANCA-RIAZOR, desde as 14:30h até as 20.00h nos despachos de billetes do Palacio dos Deportes.
