As instalacións deportivas Álex Blanco Regalado acolleron o pasado venres 7 de xuño a presentación do DéporCampus Cabreiroá que se realizará na localidade lucense de Monforte de Lemos na segunda semana de xullo de 2024.
O acto tivo lugar coa presenza de Juan Carlos Díaz, presidente CP Calasancio; Alejandro Vidal, responsable de área social do Real Club Deportivo, e Sergio Maurente, coordinador de programa local da Fundación Real Club Deportivo.
A actividade, que cumple a súa décima edición e está destinada a nenas e nenos entre os 6 e os 14 anos, terá lugar do 8 ao 12 de xullo, en horario de 10:00 a 14:00 horas, nos campos do CP Calasancio.
Os interesados poden consultar toda a información da sede de Monforte de Lemos e realizar o proceso de inscrición até as 14:00 do martes 2 de xullo nesta ligazón.
Para calquera dúbida ou consulta acerca da súa inscrición, os interesados poden contactar directamente coa organización na dirección de correo electrónico deporcampus@rcdeportivo.es.
