O Dépor Genuine tivo a primeira cita desta temporada 2024-25 esta tarde na Cidade Deportiva Arsenio Iglesias de La Torre.
Foi un partido de adestramento no campo 5 ante un Equipo pola Saúde Mental, integrado por usuarios do Hospital de día de Saúde Mental de Oza.
Xogáronse 4 tempos de 10 minutos cada un, con estes parciais: 0-3, 0-2, 1-1 e 0-2. Así pois, 0-3 como resultado final. A. Gómez foi o autor do único tanto deportivista.
Desta forma, o Dépor Genuine que dirixen Lucía Otero e Carlos García, cumpriu o seu obxectivo, que non é outro que o de preparar a súa participación en LaLiga Genuine 2024-25 cuxa primeira parada será en Tarragona do 22 ao 24 de novembro; e que por segunda temporada consecutiva recalará en Abegondo o 15 e 16 de marzo de 2025.
