Finalizado o prazo de pre-reserva, o RC Deportivo habilita a posibilidade de comprar entradas desde esta mesma tarde na Oficina de Atención ao Deportivismo (OAD) para o partido do domingo 25 de febreiro ás 20:00h en campo do CA Osasuna B, correspondente á 25ª xornada do grupo 1 de Primera Federación. As localidades teñen un prezo de 15 euros e quedan limitadas a dúas por socio.
Os socios que non se apuntaron á pre-reserva e desexen asistir ao partido en Pamplona poden adquirir a súa entrada na OAD esta tarde entre as 16:30h e as 19:00h e mañá xoves de 10:00h a 13:30h e de 16.30h a 19.00h.
Será obrigatorio presentar o abono e o DNI dos asistentes e un deles debe ser o titular do abono. As entradas serán nominativas, e no acceso ao estadio os porteiros solicitarán o DNI correspondente a cada entrada, polo que a entrada será intransferible por petición do CA Osasuna.