-Foto:@rfef.es
As deportivistas Olaya (dorsal 16 na foto) e Marina Artero (na foto dorsal 14) enfrontaranse con España a Xapón nos cuartos de final do campionato do mundo sub-20.
O encontro xogarase no campo Atanasio Girardot de Medellín na madrugada de mañá domingo 15 ao luns 16 en Galicia (1:00).
Neste torneo, as nipoas gañaron os seus 4 partidos disputados até a data: ante Nueva Zelanda (7-0), Ghana (4-1) e Austria (0-2) na fase de grupos; e a Nixeria nos cuartos de final (2-1).
Pola súa banda, a selección española venceu en oitavos de final (2-1) a Canadá. Olaya Enrique foi titular e foi substituída no minuto 90 por Marina.
Coa clasificación no peto, ambas as deportivistas finalizaron o pasado domingo 8 con vitoria ante Marrocos (2-0) a Primera Fase.
A central branquiazul foi titular mentres que Olaya seguiu o choque desde o banco.
O xoves 5, a selección española selou o pase ao gañar (2-0) a Paraguai na 2ª xornada. Olaya saíu no once inicial e foi substituída no minuto 45 por Erika González a consecuencia dunhas molestias musculares.
Pola súa banda, Marina Artero saltou ao campo no minuto 56 en substitución de Maite Zubieta.
No debut ante Estados Unidos o 1 de setembro, un gol de Olaya no minuto 8, a pase de Lucía Corrales, deu o triunfo (1-0) ao combinado nacional.
Nesta ocasión, Marina seguiu o encontro desde o banco.
O calendario das dúas futbolistas branquiazuis, cos resultados dos partidos xa xogados, é o seguinte:
Primera Fase
Domingo 1 de setembro
ESPAÑA 1 - ESTADOS UNIDOS 0
Xoves 5 de setembro
ESPAÑA 2 - PARAGUAI 0
Domingo 8 de setembro
MARROCOS 0 - ESPAÑA 2
Oitavos de final
Mércores 11 de setembro
ESPAÑA 2 - CANADÁ 1
Cuartos de final
Luns 16 de setembro
1:00 (hora galega): XAPÓN - ESPAÑA, no campo Atanasio Girardot de Medellín