Óscar Gilsanz mostrouse concentrado no encontro desta fin de semana na sala de prensa de Abegondo: "Será un encontro moi disputado entre dous filiais con similitudes e esperamos obter un resultado positivo para gañar confianza".
Insiste en que observa certos "paralelismos" co Real Valladolid Promesas, rival mañá sábado 7 de setembro ás 17:30 (YouTube Real Valladolid) nos campos Anexos ao Estadio José Zorrilla, e tentarán "que non sentan cómodos con balón". Ademais, apunta que deberán estar sólidos defensivamente.
Con respecto ao rival, Gilsanz asegura que ten bos xogadores en todas as posicións, que teñen moita velocidade polas bandas e moito perigo nos centros laterais.
