Omenuke Mfulu e David Mella foron as dúas novidades no adestramento do Dépor este martes pola tarde en Abegondo.
Ambos adestráronse por primeira vez ás ordes de Imanol Idiakez após superar este luns o recoñecemento médico no Hospital Quirónsalud A Coruña.
O centrocampista franco-congoleño asinou onte luns polo Dépor mentres que o canteirán tivo uns días de descanso após proclamarse campión de Europa sub-19 en Irlanda do Norte o pasado mes de xullo.
Están con adestramento personalizado Yeremay e Escudero; mentres que Jaime e Raúl Alcaina realizaron unha parte co grupo e outra co readaptador Fernando Rodríguez.
O corpo técnico dispuxo unha activación con roda de pases e rondos; e un exercicio de posición.
Rubén López, Kevin Sánchez, Pablo García e Aarón Sánchez foron os representantes de ANOSACANTEIRA.
Este mércores, Os Nosos adestraranse a partir das 10:30, con almorzo para o cadro a partir das 8:30.