Onte xoves 13 de xuño tivo lugar a presentación do DéporCampus Cabreiroá de Terras de Maside, localidade ourensá que acollerá esta actividade da Fundación RC Deportivo por quinto verán consecutivo.
O acto contou coa participación, por parte das Escolas Deportivas Terras de Maside, Juan Romero Fernández, presidente, director deportivo e coordinador; Marina González Cuiñas, tesoureira; Julio Márquez Blanco, secretario; e por parte do RC Deportivo, Alejandro Vidal, responsable de área social, e Sergio Maurente, coordinador de programa local da Fundación Real Club Deportivo.
A actividade levarase a cabo entre os días 24 e 28 de xuño, en horario de 10:00 a 14:00. O campo de Outeiro Grande, como todos os veráns desde 2020, será o escenario dun campus destinado a nenos e nenas de entre 6 e 14 anos.
Os interesados poden consultar toda a información da sede de Terras de Maside e realizar o proceso de inscrición até as 14:00 do martes 18 de xuño nesta ligazón.
Para calquera dúbida ou consulta coa súa inscrición, os interesados poden contactar directamente coa organización na dirección de correo electrónico deporcampus@rcdeportivo.es.
