-Foto:@rfef.es
Raúl Lema, na foto co dorsal 21, está concentrado coa selección española sub-15 para disputar 3 partidos amigables na localidade alacantina de Alfaz del Pi.
Os rivais do combinado nacional son México, Marrocos e Emiratos Árabes.
Fronte a Marrocos, o canteirán deportivista foi titular no triunfo español por 1-0. Foi relevado no minuto 64 por Gorka Buil.
Ante os mexicanos o pasado martes produciuse o debut do futbolista branquiazul con España sub-15. Arrincou no banco pero saltou ao céspede no minuto 76 en substitución de Gorka Buil nun choque saldado con clara vitoria hispana por 4-0.
A terceira e última cita para o futbolista de Muxía nesta concentración será o domingo 1 de decembro ás 11:00 ante Emiratos Árabes.
Raúl Lema chegou a ANOSACANTEIRA ao Fabril FC Benxamín na temporada 2018-19 e actualmente milita no San Tirso SD Cadete, co que esta temporada xogou 8 partidos na División de Honra, 7 de titular; e anotou 2 goles.
O calendario de partidos da selección española sub-15, cos resultados dos xa xogados, é o seguinte:
Martes 26 de novembro
ESPAÑA 4 - MÉXICO 0
Xoves 28 de novembro
MARROCOS 0 - ESPAÑA 1
Domingo 1 de decembro
11:00: ESPAÑA - EMIRATOS ÁRABES
Ademais de Raúl Lema, no San Tirso SD Cadete Nikolay Dyulgerov foi citado pola selección de Bulgaria sub-15 para dous partidos amigables ante Romanía.