O Dépor realizou esta mañá en Abegondo a tradicional sesión pospartido coa única ausencia de Yeremay, xa de viaxe á concentración da selección española sub-21.
Así, os titulares onte en ABANCA-RIAZOR ante o Málaga CF dedicaron a xornada a tarefas de recuperación, aínda que algúns dos xogadores si realizaron a activación sobre o céspede co resto do cadro.
Para os demais branquiazuis, incluídos os fabrilistas Alberto e Jaime Garrido, a mañá foi de alta intensidade, con rondos, un exercicio de posición con porterías pequenas, finalizacións e partidos en espazo reducido.
Ximo Navarro onte en zona mixta aseguraba que "imos seguir insistindo, mellorando no día a día en Abegondo. A seguir confiando".
Gauto retirouse ao vestiario ante de concluír a consecuencia dunhas molestias na súa perna dereita, pendentes de avaliación médica.
Mañá martes haberá xornada de descanso.
Este mércores 9, Os Nosos arrincarán ás 11:00 na Cidade Deportiva a preparación da próxima cita ligueira, este domingo 13 de outubro ás 21:00 horas no Estadio Martínez Valero ante o Elche CF (LaLiga TV Hypermotion). "É un campo difícil", advertiu Ximo, quen cualificou ao cadro ilicitano como "un gran rival".
